獨立屋/村屋漏水


獨立屋漏水同大廈嘅最大分別,在於業主好多時擁有整幢建築物嘅業權,唔會因為進入唔到上層或天台而令到調查受到阻礙。

同時,由於外牆部份屬於業主(而唔係好似大廈咁由法團擁有),獨立屋業主必須定期對外牆、天台、露台進行檢查同維修,因為一旦出現嚴重破損嘅話,維修費用將會十分昂貴。

個案分享:
豪宅雨季嚴重滲漏


e-myhouse不時收到獨立屋同村屋漏水嘅求助,即使係造價不斐嘅大型豪宅,喺經歷老化以及長年受颱風、雨水嘅侵蝕後,同樣無法避免出現漏水問題。

片段中嘅大宅包括主人房、客房、客廳等多於十個位置出現滲漏痕跡,情況喺雨季尤其嚴重。業主前後多次對大宅進行維修,但仍未解決漏水問題,最終搵咗e-myhouse樓宇醫生作出調查。

獨立屋的全面檢查


由於業主擁有整幢建築物嘅業權,調查團隊只須業主同意,無須經過繁複嘅申請就可以進入大宅嘅天台及各層嘅露台進行蓄水測試,並對懷疑漏水嘅外牆進行射水測試,迅速查出大宅內嘅漏水源頭。

業主報稱多個房間天花出現間歇性滴水,而且在雨季尤其嚴重。調查團隊經蓄水測試模擬雨天積水嘅狀態,最後發現該大宅天台及露台防水層失效,色水於二十分鐘後於屋內的天花同牆身滴出,與業主描述嘅雨天滴水狀況大致相同。

查出隱藏性滲漏


客廳、睡房持續滴水早晚會引起住戶注意,但一啲較為隱蔽位置嘅漏水,可能滴到石屎剝落都未有人發現。個案中業主一直以為漏水問題只涉及屋中幾個房間,但團隊經色水測試後,喺廁所、地牢等多個較為隱蔽嘅位置亦搵到漏水嘅痕跡,證明屋內漏水問題比業主想像中嚴重。

雨天漏水,若然滴落隱蔽位置,有機會自然蒸發,亦有機會流到陰暗地方,單憑住戶嘅肉眼的確好難發現。專家進行模擬測試時會喺水中加入對人體無害及易於清潔嘅色料或螢光劑,大大增強發現漏水嘅可能性。

團隊喺調查個程中發現天台嘅色水流入大宅地牢內嘅停車場,反映大宅可能於建造時已經出現失誤,導致雨水喺短時間內輕易滲透幾層樓高嘅大宅,流至地牢。

無人機全面勘察


個案中大宅嘅滲漏問題,主要源於防水層及外牆嘅損壞,但其實香港大部份村屋、獨立屋都有類似問題。過往調查類似問題,專家亦容易忽略天台、高層外牆等難以近距離勘察嘅位置,令調查缺乏全面性,維修亦無法根治漏水問題。e-myhouse 運用無人機技術勘察外牆,能夠清晰及迅速地調查全屋外牆及天台每一個角落,確保調查準確無誤。

個案總結:


影片中嘅大宅其實係一個十分具代表性嘅案例,大部份獨立屋同村屋嘅漏水都係源自外牆同防水層嘅問題,而且源頭經常多於一個,令滲漏檢測嘅難度大增,好多業主屢次維修都無法根治漏水。

現時配合無人機等嶄新技術,可以大大減低驗漏或驗錯源頭嘅可能性。獨立屋或村屋業主一旦發現住宅漏水,應盡快安排專家進行全面調查,然後對有問題嘅位置及早進行維修,以免問題惡化,延伸成龐大嘅維修工程開支。

團隊累積處理超過

25,000宗漏水個案

e-myhouse 服務對象包括:私人住宅、商舖、商業機構、大廈法團、管理公司等等。無論各種類型嘅漏水個案,我地都有充份嘅經驗處理,肯定幫到你搵出漏水源頭同提供最專業嘅報告。

以上影片摘錄咗我地過去幾個月幫客戶調查出漏水原因嘅個案,當中包括各類型住宅(複式單位、獨立屋)、商舖、工廈等等,並應用包括紅外線熱能測試、水份電阻量度、微波掃描、蓄水測試、同無人機攝像等各種技術。