「咁辛苦,都係為咗一個住得舒適嘅屋企」

emy成為首間網上樓宇醫生,除咗透過創新科技之外,背後嘅專業團隊,

有認可署hoklas認可實驗室、認可人士、建築師、工程師、律師、甚至乎醫生,

一切都係為左提供最專業透明既樓宇服務比香港人,等你同屋企人住得更舒服。


香港地地小人多,樓舊擠迫唔使講,揼咗一大筆錢買樓之後,比完管理費仲要搞維修。

維修又好裝修又好,都係為咗整好間屋,俾自己同屋企人一個舒適嘅家。

偏偏當遇到樓宇有問題,好多時唔單止冇得投訴,仲要自己硬食,又勞氣又晒錢。


最緊要係公平、公正、公開,投訴有齊機制,邊個唔啱邊個負責。

emy 本着獅子山下精神,搵埋一班專業人士,開創網上樓宇醫生,

就係希望令到裝修維修都可以公開、公平又公正,邊個唔啱邊個負責,

等各位香港人都可以用最少時間、最低成本去處理樓宇問題。


家家有本難唸的經,好多時屋企嘅事我哋幫唔到,

但樓宇嘅事emy盡量幫你整返好!

關心自己嘅身體,更加需要關心埋自己嘅屋企。

搵emy冇得輸

emy幫到你啲咩?​

每年香港都有幾萬宗漏水個案,當中要打官司嘅平均幾百單,

排期都講緊要等幾年先排到你,好話唔好聽⋯⋯如果間屋真係被漏水問題困擾住,等得嚟都已經水浸。

假設排期終於排到你啦,仲要好多時候因為程序唔啱、

儀器唔啱或者專業性問題,俾你等得到,上到庭都輸晒。


emy點樣幫到你呢?

我哋保證,從頭到尾一步一步幫你做到最好!

除咗專業儀器,仲有最仔細嘅專業人士,幫你做最謹慎既檢查、分析,以及出報告證明等等。

只要問題唔係出自你屋企,保證你一蚊額外支出都唔使俾,仲可以快速獲得應得嘅賠償。